***********( علي صوتك )
5/7/2022
مجاهد عبدالهادي
علي صوتك يا مصر
شعبك مكافح يوم بعد يوم
رافع راسك ناس بتبني وناس بتحرس
وانتي يا غاليه ست كل عصر
عزالك دول حاسدينك عاللي انتي فيه
دايما عينيهم عليكي باصين
زرع القصب فيكي فدادين
سكر عسل شعبك أصيل
وادي المرايه صوره مرسومه
وش واحد مش وشين
فيه الكرم من اسوان وتشكى وشلاتين
لحد الهرم العيشه مقسومه نصفين
بينهم وبين الضيف شتا وصيف
بالمحبه الكل على ارضك احبه
والشهامه والامانه كأنه صاحب بيت
وابنك مجاهد على العيشه بيجاهد
وأخوه هشام بيقسمو بينهم لقمة العيش
تعيشي يا مصر أصل الكلام افعال
عمره ماكان قلة قيمه ولا طيش
علي صوتك يا مصر وقولي
انا عندي شعب يفوت في الحديد
ومن صلبه يخرج اجيال
أكله اللقمه بالحلال
ثقافة شعب أيد جنب أيد
بأيده يهد جبال
الكسل ممنوع والزعل مرفوض
واخر النهار الخير معبي الجيب
همه وعزيمه مهما كانت الظروف
قلب واحد عمر مقسوم
مفيش أي خوف
في قلبك محبه
والحنان مابيتشريش
رغم اي ظروف
ليست هناك تعليقات:
إرسال تعليق