وانا عمرى فى يوم مااسيبك
يانور العين
انا اللى القلب بقى فى ايدك
مقسوم نصين
ولاعمرى أفرط فيك ثانيه
داحنا الاتنين
مابنستغناش عن بعضينا
واحلف بيمين
فى القلب مكانك وبدارى
عن اللايمين
لو دريوا يوم انى بحبك
دول مش طايقين
ان انت بس اللى فى بالى
وعيونى الاتنين
خبيتك عنهم سنين عمرى
وسنين جايين
ولا يسمع حد ندى قلبى
ويقوله امين
غيرك انت بس اللى بقوله
السكه منين
وطريقه لقلبك أنا شوفته
وعليه رايحين
قلبى وجوارحى ووياهم
ونعيش عمرين
ويوماتى اتغزل فى عيونك
واقول قمرين
واداريك عن كل اللى شافونا
هم الحاسدين
ولاحد يشوفنا لوحدينا
فى اليوم نوبتين
وأبلغ قلبى ودقاته
إننا قلبين
عايشين مع بعض بروح واحده
وبقالنا سنين
ويارب ماتبعدهم عنا
كل الحاسدين
ليست هناك تعليقات:
إرسال تعليق