عشان... تفارقها .. مسرور *******************

 عشان... تفارقها .. مسرور

*******************

الهم والغلا والشر بوجودنا زاد

ده كله عشان أحنا عن الله بعاد

بنورث الغل والحقد للاولاد

نسينا أن لينا مع الموت ميعاد

نسينا أن ف الآخرة ثواب وعقاب

أن أحنا هنقف أمام سيد الأرباب

وقتها هنعرف الدنيا وهم وسراب

ماتيجى نندم ع اللى فات

نتعظ من اللى قبلنا مات

ايه م الدنيا بس هو خاد

محدش بيدعيله بالرحمات

المهم هو ايه لهم فات

بتظهر أزمات وأزمات

ع الميراث خناقات وخناقات

الطمع فى ميراث البنات

شرع الله هزمه حب الذات

عشان ف الدنيا تعرف تعيش

تبيع ليها تملى ومتشتريش

دا الطيب فيها أصله خبيث

الغالى فيها تملى رخيص

عشان تعيشها من غير عذاب

بص للدهب كأنه تراب

عشان تفارقها مسرور

عيشها العمر من غير غرور

خد عظة من سكان القبور

آخرتك ع الأكتاف محمول

تحت التراب بالقبر مدفون

قالوا زمان الدنيا ساعة

عيشها تملى بقناعة

خليك لله بطاعة

*********************

بقلم

عادل جاد

٢عادل جاد وشخص آخر

مشاركتان

أعجبني

تعليق

مشاركة