"سلطان زمانك" بقلم / عمااد الأبنودي

 "سلطان زمانك"

بقلم / عمااد الأبنودي

••••••••••••••••••••

سيب الناس ف حالهم

ما تشغلش بالك بيهم

ربك عااااالم ... بخلقه

و اللي داير .. حواليهم

غيرك راقب و مانفعشي

و ما نابه غير المتاعب

شغل فكره و مافهمشي

ازاي يفك المصااااااااعب

الكون كبير و ملكه

سايع لكل الناااااااااس

رازق الطير و من فضله

غرقانه فيه .. أجناس

مصعبها ليه ..! على حالك

و مواقفك واخدها تحدي

ااالوضع ابسط من ذلك

روق ... يا عم و هدي

عيش سلطان زماااانك

تملك ياما القلووووب

صيتك يسبق أعمالك

و تصير كمااان محبووب

ماهيش مستهله عكننه

تجيب الرايح و الجاي

مبقتش ناقصه المسألة

وجع دمااااااغ .. يا خي

واللي علي رأسه بطحه

يحسس كدا عليها

و من فينا مش معيوب

ولا تشنكل فى بلاويها

لو تحسب سير الريح

مش هتزرع و لا ترفع

دنيا مليانه مجاريح

و الوهم فيها ماينفع

إترك خلقه لخالقك

سايرين ف خطاويهم

اتامل جمال الحياة

أصلك واحد زييهم

و خلي زرعك بهجة

تحصد ثمرك فرحاااان

خلاصة الكلام ف كلمة

افتكر تملي .. إنك إنسان

بقلم

‏عمااد الأبنودي

‏6 . 6 . 2022

عرض الرؤى

معدل وصول المنشور: ١٩

٢٢

تعليقان

أعجبني

تعليق

إرسال