......كتر الطاعون.......
كتر الفران في البلد
وطاعونها جاي واتولد
فيروس وجاي يجري
والمصل فيها اتجلد
......
كتر الفران فيها
وطاعون انتشر بيها
ومين يجيب الدوا
ربك دا حاميها
.....
كتر المرض في العقول
وكلامنا فقد القول
ولا شعر ليه معنى
ولا كلمه فيها أصول
......
الفقر أصبح غول
والرأي بقا معزول
والسقفه للي يطبل
بكلام خسيس معسول
......
احترت فيكي يا بلد صعبه ومحبوبه
عاشق تراب فقرك والعيشة مقلوبه
ماشيين ورا دنيتك راضيين بتفاصيلها
وكأننا نايمين او روحنا مسلوبه
......
فيكي الحبيب افتقر من عشقه في ترابك
اما الغريب اغتنا من دقه على بابك
يللي هواكي نحس مكتوب في تواريخك
كل اللي قلبه مال لمات ليوم سابك
......محمد إبراهيم درويش..........
ليست هناك تعليقات:
إرسال تعليق