الأربعاء، 1 يونيو 2022

.... أنا حكاية منك ....

 .... أنا حكاية منك ....

عايزة تعرفي أنا أبقي مين
أنا كتاب جواه حكاوي العاشقين
دمعه حبر ورقه سما ليل حزين
ماتسأليش جاي منين ورايح لفين
......................................................
مغنواتي والقلوب بتعشق غنوتي
مع اني تايه عن طريقي وسكتي
أنا صعب يعشق قلبي يوم دنيتي
أنا لحظة فرح بتخفي عمري الحزين
.......................................................
كان عندي ليل وبأعشق السهر
كان ليا حبيبة في سحر القمر
كانت زي الملاك بين البشر
ليل وحلم حب ولمسة ايدين
.......................................................
كانت ليها غنوة بتطمن قلبنا
كانت تقوللي أنا ياروحي أنا
هي دي اللي كانت غنوة حبنا
عشنا بيها وليها اجمل سنين
......................................................
راح الزمان وجه زمن مايعرفناش
سنين حب ضاعت ف لحظة بلاش
ينسي الزمن وقلوبنا مابتنساش
ف زمان الحب كنا أجمل حبيبين
.....................................................
حبيبتي كل ذكري وانتي في قلبي
حبيبتي لسة عينيكي عايشة عمري
حبيبتي لسة بأسمع غنوتك بقلبي
حبيبتي لسة واخدني ليكي الحنين
... أيمن بلال ....
Mansour Benmansour وشخص آخر
٣ تعليقات
أعجبني
تعليق
إرسال
في

ليست هناك تعليقات:

إرسال تعليق

الاشتراك في: تعليقات الرسالة (Atom)

(لا تزال عالقة) بقلم عواطف فاضل الطائي

(لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...