( الدور الدور ) م/عبالحميد سالم
الدور الدور الدور الدور
الدور ياللى عليكى الدور
ملايين وقصور مع واحد مشهور
من دم الغلبان ف طابور محشور
****
جواهرجى حريم بالصلاة ع الزبن
من هيفا لياسمين ومزز جامدين
مش قالوا رزق الهبل على المجانين
واستفزاز لجيل يائس بجناح مكسور
****
عريس والمهنة تجارة خردة وحديد
لكن كييف صنف ويموت ف التجديد
على ألسنة شعاره ف الحق يا جميل
جايز تركب هلبوكوبتر بدل الحنطور
****
سيبك بقى م الحب وكلام أساطير
معاه هتلبسى الماظ وتنامى ف حرير
فرصة يا عبيطة مش محتاجة تفكير
وتعملى كام ارنب على م يقع المحظور
ليست هناك تعليقات:
إرسال تعليق