بين الماضي والحاضر

 بين الماضي والحاضر

مين فينا اتغّير؟

مين فينا اتحيّر؟

مين بقي عاجز؟

مين بقي قادر؟

مين مغصوب؟

مين اتخيّر؟

مين متحكم ف ظروفه؟

مين اللي سيطر علي خوفه؟

مين فينا اللي شق طريق؟

بدون رفيق ولا صديق؟

مين اللي فينا فضل شريف؟

يشقي عشان جني أو رغيف؟

مين اللي ركب ياخلق الموجة؟

وعاش ف الهوجة

ومشي ف سكة معووجة؟

مين الظالم؟ مين مظلوم؟

مين الحاكم والمحكوم.؟

مين اللي باع.؟

مين اللي ضاع؟

مين اللي نافق؟

مين اللي وافق؟

مين اللي طبّل واستهبل.؟

مين اللي دبح؟ مين اللي ربح؟

مين اللي بيشوي ويتبّل؟

مين اللي باع ياخلق أخوه؟

مين اللي عاق مع أمه وأبوه؟

مين كرهوه؟ مين حبوه؟

مين اللي لسه عنده ضمير؟

مين ف زريبه؟ مين الحمير.؟

مين اللي ثابت ؟

بياكل نابت؟

ومين اللي صابه ياناس تغيير؟

مين؟ مين؟

هشام سليم

شاعر الحرافيش

عرض الرؤى

معدل وصول المنشور: ١٦

٢فهدالصحراء الجرئ وشخص آخر

تعليقان

أعجبني

تعليق

إرسال