غايب عني .....................

 غايب عني

.....................

غايب عني الوحي ....

وتايهه مني الفكره

واقول زمانه جي............

الليلة ولا بكرة

وياريته يوفّى بوعده

ماخلاص كفايه بُعده

ويخف بقى من عِنده...

يجيني بأجمل بُشره

...............

يجيب معاه أفكار ......

أطوف مابين حروفها

فى بُعده انا محتار....

ارتاح لو عيني تشوفها

يعمل فيا جِميل

يجيب وياه دليل

من غيره مستحيل...

ادخل لقصيدتي كهوفها

.............

من غير كتابة حاسس...

ناقصني حقيقي كتير

انا مش عايش خالص......

ولابد م التغيير

بلاقي نفسي هناك

مع كلمة بستناك

مع حيرتي اللي ف هواك .

ومفيش لكده تفسير

*********

بقلم الشاعر رمضان عبد الله أحمد

عرض الرؤى

معدل وصول المنشور: ١٣

٣فهدالصحراء الجرئ وشخصان آخران

تعليقان

أعجبني

تعليق

إرسال