حروف اسمك

 قصيدة/ حروف اسمك من حروف اسم حبيبتى راح اقول أحلى الكلام الحاء دا حبها ساكن جوه فى قلبى

وصاحى عمره فى يوم ما بينام ٠ واللام لو لفيت الدنيا بحالها

عمرى مااشوف ابدا فى جمالها

اما الواو واخد على نفسى عهود ووعود

وعلشانها راح اعدى سدود وسدود٠

التاء تعالى حبيبتى نطير انا وانتى سوا

ونعلم الصبايا العاشقين اصل الهوا ٠

الهاء ها اوهب قلبى وحبى انا اليكى

يمكن انول نظرة حلوة من عينيكى٠

والميم مهم يقولوا عليكى وعليا

راح تبقى حبيبه وجوه عينيا ٠

قبلك حبيبتى كنت بقول الحب ليه عنى غايب

ولا يمكن يكون قلبى ملوش فى الحب نايب ٠

صرخت بعلو صوتى وقلت يابياعين الغرام

هاتولى حبيب غالى بشوفه فى الأحلام

ساكن فى عقلى وبالى خلانى مش عارف انام

قالولى احنا بنبيع ليكم الهوا مش المحبوب

انت مش محتاج لينا انت محتاج لطبيب

وياريت يكون متخصص فى وجع القلوب

اول ما شفنى الطبيب قالى ايه شكواك

اوعى يكون جرح سابه الحبيب جواك

قولت ياطبيب القلوب ياريتك بس تسمعنى

وتشوف دواء لقلبى علشان قلبى بيوجعنى

قلبى عمره ما داق الحب إلا بس فى الاحلام

ولم بصحى واقوم من النوم بلاقى كل دى اوهام

قالى حبيبى دواك مش عندى غمض عينك وادعى لربك

قادر رب الكون يوهبلك حب كبير هدية لقلبك

ولاقيتك انتى يا ضى العين كنتى غايبه عنى فين

حب العمر راح اوهبهولك ومش هسمع ابدا لعزولك

دنا قلبى المغرم بهواكى عمره ما يوم ابدا ينساكى

وازاى بس قوليلى انساكى وانا قلبى عايش جواكى

وليلى نهارى بفكر فيكى ولو ينفع عمرى اهديكى

شعر / كمال على البنا

عرض الرؤى

معدل وصول المنشور: ٢٥

٣Mansour Benmansour، فهدالصحراء الجرئ وشخص آخر

٤ تعليقات

أعجبني

تعليق

إرسال