«(--- عيشوا الحياة --- )»
عيشوا الحياة علي أد ماتقدروا
عيشوا الحياة بحلوها ومرها
أجروا بسرعة علشان توصلوا لبرها
أرموا الهموم والأحزان وراء ظهرها
خلوا إيمانكم هو سبيلكم فى عبورها
صحيح الحياة متقلبة
ساعة نعيش هناها
وساعة يعصرنا حزنها
وساعات كتير بنعيش كربها
عيشوا وأوعوا تستسلموا
وتضيعوا في أحزانها
وتضيعوا في غيها
أمسكوا بأيديكم وسنانكم
في فرحها وضحكها
خليكم دائمآ في ظلها
وأوعوا تخلوها تتحكم فيكم
بزخرفها وبريقها
علشان ما يصيبكمش غدرها
أفرحوا علي أد ماتقدروا وأرسموا
بكرة إللي جاي غصب عنها
وأوعوا تبطلوا تحلموا وترسموا
أحلامكم وأمالكم فيها
بأنفسكم وبأرداتكم وموش بأمرها
وأوعوا تخلوها تجبركم
بالجري في مزمارها
علشان تنجوا وتأمنوا
من بطشها وغدرها
بقلم /عاطف محمود «مصر»
ليست هناك تعليقات:
إرسال تعليق