الحاراتي
صنف مخيف
مش كل الرزق فلوس
ولا كل الراحة مكان
ياما عاش باامواله
متعوس
وبجاهه ملهش كيان
بيقولوا المادة وسيلة
بتحنن حمل الشيلة
وتخلي الحالة جميلة
اصل اللي مالك رضا
نفسه
غير اللي مالك فدان
واللي هاوي التستيف
ومشاعره يادوب تزييف
المعدن صنفه مخيف
انسان ومهوش انسان
الدنيا طريق مفرود
لكن بيبان له نهاية
حدود بتعدي حدود
وحاضرنا بيبقه حكاية
منا اللي جدير بالذكر
منا اللي يثير الفكر
منا اللي غريق بالمكر
ويدوب ويا النسيان
مش كل الرزق فلوس
ولا كل الراحة مكان
وهاتها جمايل يارب
شاعر الحارة المصرية
صلاح سليمان
ليست هناك تعليقات:
إرسال تعليق