الستات

 الستات

كل اللي يقول إن الستات

نوع واحد

ده راجل بيقول تخاريف

فيه الانانة

والحنانة

والمنانة

والزنانة

وتقدر تزيد وتضيف

و فيه المكتومة أم بوز

ملوي ومكشرة

دايما دول صنف مخيف

وفى العقربةالحرباية ام

لسان زالف

جلابة الشر قول يالطيف

وفيه ستات صعب يتقال

عليهم

ستات دول خارج التصنيف

وفى الستات البلسم ام

صباح نادي

وشها متبسم ودم خفيف

وفى اللى تملى حياتك

بهجةوسرور

وتفاؤل دول جنس لطيف

وفيه اللي تتجوزها تكون

وش الهنا والسعد

معاها تعلي وتضيف

و اللى تتجوزها تدخل

بالفقر يبقى

جيبك زي الصيني نضيف

وفيه ست أصيلة تقف جنب

راجلها

حبيبة وصديقة وحليف

دارت الدنيا برجالها معاه

سنداه تواسيه

وتكون له خير وليف

الستات أصناف وأشكال

وأنواع مختلفة

من كل صنف وطيف

دول حسنة الدنيا وأرحمنا

وزينتها وفتننها

والجنس الطيف

الشاعر/ عبد المنعم حمدي رضوان

عرض الرؤى

معدل وصول المنشور: ٤٩

٣فهدالصحراء الجرئ وشخصان آخران

٣ تعليقات

أعجبني

تعليق