********( مكتوب ومطلوب )

 ********( مكتوب ومطلوب )

1/6/2022

مجاهد عبدالهادي

انا

لو كان بأيدي لجبلك قمر الليالي

بس ياخساره القمر في السما عالي

وانتي بتحبي النكد

تيجي ندوس على الوجع

ولوني الوجع مطلوب

وغلوتك عندي

مهما الحاجه غليت

حبك في القلب مكتوب

وايه حاجة الفقير

غير لقمه هنيه ياكلها

وتوب حتى لو لبسه بالمقلوب

وندور على الضكحه

اللي تايها في عيون الناس

والبسمة اللي طالعه يدوب

فرش الصيف وسع

غير فرش الشتا

يتلبع صاحبه من البرد

على امره مغلوب

تيجي نلعب بالوجع

وتفتكر لما كان العجين

على المجور من كتره مكبوب

لما كانت العيشه بسيطة

والبيت مسقوف

بالجريد الاخضر

وبطين الترعه المجروف مصبوب

وسمكه على البر وسمكه

في الميه والخير مكفي الجيوب

طالع تقزقز داخل تقزقز

مفتكرش اني زمان جدي

وجدك هيبقى تاريخ مكتوب

وانا اللي بسداد الدين مطلوب

عرض الرؤى

معدل وصول المنشور: ١٩

١١

تعليقان

أعجبني

تعليق

إرسال