مجلة نداء الرؤح لفرسان الكلمات

 حاسِب روحك بقلم أحمد شاهين

مش منديلك إللى هيقدر

يمحى دموعك

ولا قنديلك يوم هيعوض

همس شموعك

ولا بالمال تقدر ترتاح

حتى إن جالك بعد كفاح

برضه هتفضل فاكر جوعك

نفسك ترجع تانى فقير

كنت فى نعمه كنت فى خير

كات فى ناس تستنى رجوعك

كنت تنام وتغمض عينك

وتقول بكره تسدد دينك

طول ما الصحه لسه فى طوعك

ما عرفتش أبدا تتغير

لساك شايف طفل صغير

حتى. بعد الشعر ما شاب

أمك هى حقيقة روحك

وأبوك بيداوى فى جروحك

بيحِبوك من غير أسباب

شايف كل حقيقتك كِدب

الإخلاص والشوق والحٌب

حتى الدين سموه إرهاب

حاسِب روحك حاسِب مِنها

لا هى فهماك ولا انت فاهمها

قول لها بعد الموت فى حساب

قول

لها

بعد

الموت

فى

حساب

كلمات أحمد شاهين

عرض الرؤى

معدل وصول المنشور: ٣٨

٣Mansour Benmansour، Ahmed Mohamed Ahmed Shahen وشخص آخر

٣ تعليقات

أعجبني

تعليق

إرسال