/////////+++عدي يامثقاعد+++/////////

 /////////+++عدي يامثقاعد+++/////////

عدي يامثقاعد عدي

واش مفكر كنتي قدي

من يصغي لجوع جيبك

ومصاريف حاجات قليبك

ياك نساوك وقعوا ضدك

ماراعاو لضعفك وسنك

مااكنتي هكذا ياحظي

ماكنتي هكذا يانبضي

وشحال عملنا ونتجنا

وحنا في العنوان ياك كنا

ومشينا ف مسيرة الابداع

ياك كنا من خيرة الصناع

وحنا للي علينا الانتاج

وانا وشلى افواج وفواج

سلمنا امرنا للاخلاص

وحنا نقراو سورة الاخلاص

بالعرق وكتبنا بالمجهود

ياك فتحنا باب للمردود

يد وزيادة شلى عديدة

وشهد لينا الحرف وقصيدة

ياك في داك لمكان والعنوان

وحنا هنا من ولاد الانسان

عانقنا البرد ولهيب الحر

عشنا الشدة وقساوة القر

ياك دحرجنا كوراق لخريف

يتسناومو فينا باء والليف

مال حالنا اليوما تنسينا

لكريدي عامل اعمايل

يامثقاعد فوق ماتخايل

من يلقى لينا حسن دوى

وحنا بجمر كانتشوى

وحنا منكم لضعفنا يقدر

وحنا منكم كلنا ابشر

كلنا مخلوقين من اثراب

ماتركونا في حر لعذاب

بقلم صقر الحروف الزجال المحجوب بوسبولة