( عدَّى عليا الفَرْح ) :

 ( عدَّى عليا الفَرْح ) :

عدَّى عليا الفَرْح

زغرط وراح ماشي

قال قصدُه يعني يغيظني

قلت ما يجراشي

بجملة الأحزان

وبجملة القهرة

اذا كان حبيب القلب

اللي ماليش غيره

قاللي ثواني وجي

وراح ولا جاشي

انا عشت عمري ليل

ونهاري خاصمني

وشفت ياما الويل

والهم طايلني

والحزن خيره كتير

دايما بيعزمني

وعزايمُه إيه غير اسى

بينتقم مني

عدى عليا الفَرْح

وقاللي ده بعينك

عندك.يا صاحبي جرح

يفصل بيني وبينك

روح جدد الأحزان

وعيشها مع نفسك

انا رايح للي الهنا

والسعد في سكنهم

اما انت يا مسكين

روح ربنا يعينك

انا عشت عمري سنين

تتعد بالثانية

في كل لحظة انين

ماهِيَّ دي الدنيا

مالهاش امان يا حزين

ع الغلبانين جاية

إمتى دامت ولمين ؟

دنيا صحيح فانية

إمتى دامت ولمين ؟

دنيا صحيح فانية

بقلمي الشاعر جمال زكي عينر

عرض الرؤى

معدل وصول المنشور: ٣٣

١١

تعليقان

أعجبني

تعليق

إرسال