( صابرين )

 ( صابرين )

وآه ياغربتي ولوعتي

وعذابي وناري في دنيتي

هجروني وراحوا احبابي

وسرقوا مني فرحتي

وهنعمل ايه يآقلبي

واحنا عشاق مساكين

وبقالنا سنين دايبين

وانتي يآروحي يامسكينه

يآساكنه قلوب الغاليين

غايبين يا ضي عنينا

وقسوتكم صعبه علينا

وبعدكم ليلوا طويل

وشغلتوا البال كتير

هنندم علي حبكم

ولا هنلوم الأيام

تعبنا في بعدكم

حبايبنا راحوا بعيد

وناسيين لينا المواعيد

وسابوا للقلب جراحوا

وهما كل افراحوا

لآ فارقه معاهم دمعتنا

ولا فارقه معاهم لوعتنا

ولا فرحونا بالوصال

وراح الحب فين

في القرب علينا قآسيين

وفي البعد لينا ناسيين

وازاي نبقي حبايب

ويكونوا علينا قاسيين

عذبنا الشوق والحنين

وودانا للآهات والأنين

ولإمته هنكون عايشين

في عذاب ومرار وويل

نار الفراق كويانا

وطول الليل مبكيانا

رغم إن البعد عنهم

ملناش فيه إختيار

وشاغلينا ليل ونهار

لا قادرين ننسي ونختار

ولا قادرين نصبر ونحتار

ولا قادرين نكمل المشوار

ولو فكرنا يوم ننساهم

ونقول علشان جفاهم

حارمينا من لقاهم

وشاغلين بالنآ بيهم

وروحنا دايبه فيهم

ونلقاهم ناسيين هواهم

وعايشين مش فارقه معاهم

يامعذبين قلوبنا ودكم أمانينا

ليه تموتوا مشاعرنا

وهيا اجمل ما فينا

خليتوا العيون سهرانه

وقلوبنا عليكم حيرانه

والليل ساعاته تطول

والبال علي طول مشغول

والضحكه مسروقه مننا

والفرحه غايبه عننا

دا البعد جفا يانور العين

واحنا ليكم مشتاقين

ولإمته هنفضل صابرين

خواطر(أشرف الدغيدي)

حقوق الملكيه محفوظه

عرض الرؤى

معدل وصول المنشور: ١٦

٣Ashraf Eldghedy وشخصان آخران

٨ تعليقات

أعجبني

تعليق

إرسال