....... امسكينى او دوسينى ........
لما امد الايد لايدك
امسكيها واسندينى
وبرموش العين شلينى
يمكن ابقى
يوم حبيبك وتعنينى
ع الليالى اللى راحت
والسنين اللى راحت
وانتى لسه بتبعدينى
قولى مره انى شمسك
ان روحك وامدحينى
انى ورده
جات ببابك وامسكينى
خلى ريحتى
تملا جسمك او دوسينى
اوعى تنسي انى حبك
اوعى تنسى ان قلبى
هو سكنك لو تجينى
اوعى تنسى
دمع عينى من غيابك
اوعى تنسى انى بابك
لما غلب الدنيا
حاصرك وتندينى
لما كل الناس
بتبعد وقت ضيقك
لما تلقى
ان خصمك كان صديقك
ابقى نادى على
هاجى و هتلاقينى
قلب عاشق
حب دافى
هواسيكى وتوسينى
هتلاقينى ورده جاتلك
وامسكينى
خلى ريحتى
تملا جسمك اودوسينى
لو بعدتى بيوم ياعمرى
اوعى تقسى وتهنينى
اوتهينى يوم كلامى
او ملامحى او ضميرى
كونى زى النسمه عدت
واتركينى
وقت ضيقى وقت زلى
وارحمينى
مهما كان كنت حبيبك
كنت برضه بيوم نصيبك
كان مابنا عشره حلوه
وكلمه حلوه وضمتينى
اوعى تنسى انه ممكن
يوم تعودى وتلاقينى
انى شمسك انى
قمرك انى نيلك
انى ورده جات ببابك
وامسكينى
خلى ريحتى
تملا جسمك او دوسينى
..............احمد عامر................
ننوه ان ماينشر حق فكرى مسجل بالهيئات المنوطه بذلك
ليست هناك تعليقات:
إرسال تعليق