شعر غنائى .. ((( يا خسارة )))

 شعر غنائى ..

((( يا خسارة )))

يا خسارة الحب إللى وهبتولك .. كان نفسى م أندمش عليه ..

دلوقت بأكره اللى يجيب سيرته .. بعد اللى شوفته من عذاب لياليه ...

كنت فاكر حبى غالى عليكى و هتقدريه .

مش هتيجى ف يوم و ترخصيه ..

أتارى الهوى غدار ونا ميال ..

بأفكر بعواطفى م بأفكرش بعقلى و عايش ف الآوهام ..

يا خسارة الحب ..

كنت فاكرك أول و أخر حب ليا .. لقيتنى لازم أعيد تانى حساباتى ..

و أصالح الناس إللى حبونى من غير م يعرفوا شعورى .. ونا مشغول بغيرهم ووخدانى أشواقى آهاتى ..

أنا اللى فضلتك عليهم و إديتك كل حبى .. و اللى كان السبب ف الحب هو قلبى ..

لما ظلم نفسه و ظلمنى معاه .. و إن عاتبته ولا عاتبتك م خلاص هيفيد بإيه ..

يا خسارة الحب ..

كنت مآمن بكلامك عن أسوة الآيام و هموم الدنيا .. كانت بتصعب عليا روحك ..

و عيون القلب تبكى علشانك .. و إنتى بتحكى قصة آلامك و جروحك ..

م كانش قلبى بيفكر أبدآ ف عذابه .. قد م كان بيفكر يعمل إيه لأحبابه ..

علشان يسعدهم .. و هو مش عامل ليوم الوداع حسابه ..

يا خسارة الحب ..

بقلم الشاعر الغنائى ..

محمد البريمى ..

عرض الرؤى

معدل وصول المنشور: ٣٧

٢Mansour Benmansour وشخص آخر

٣ تعليقات

أعجبني

تعليق

إرسال