بحلم بليل هادي
وبصمت كيد الأعادي
نور الصباح نادي
وفرحه ماليا فؤادي
صوت البلابل شادي
وفرحه في عيون ولادي
والخير يعم على بلادي
ومافيش فقير في الدنيا دي
مستقبل مشرق لأحفادي
والشفا لقلوب حسادي
والأمل على بابنا ينادي
بساتين الخير ويهادي
وقمرنا ينور الوادي
***
والكلمه بينا رقيقه
والكل يعرف طريقه
وصديق بيود صديقه
ويقف معاه وقت الضيقه
وأخ مايفارق شقيقه
مافي حد يمر بضيقه
والحلم دا يبقى حقيقه
(((أسامه جديانه)))
ليست هناك تعليقات:
إرسال تعليق