الخميس، 16 يونيو 2022

حاسبت نفسى حساب ملكين

 حاسبت نفسى حساب ملكين

وقلت يانفسى رايحه لفين
اياكى يعجبك العايق
ابو الكلام الحلو الزين
يانفسى روقى كده وتوبى
كل اللى يهمك محبوبى
ومهما غاب عنك ولاراح
بيرجعلك ده توبه توبى
يانفسى اياكى والدنيا
قالوا عليها انها فانيه
وهى يعنى لمين دامت
ولامين عمره طال فيها ثانية
يانفسى اياكى والكداب
عمال بيلف زى اللبلاب
وكلامه حلو ومتزوق
ده كدبه سبقه لحد الباب
يانفسى عودى كده لربك
خليكى ماشيه على دربك
ومهما كان الحمل تقيل
ربك يزيل م الكون كربك
يانفسى خليكى شبعانه
ومن الايمان كده مليانه
اياكى تبعدى عن دربك
ربك خزاينه مليانه
خليكى دايما لوامه
اصل الحياه دى بامانه
ومهما توهتى وبعدتى
اياكى تاخدك دوامه
خليكى كده دايما راسيه
على الفقير ماتكونى قاسيه
امد ايدى واساعده
ده ربى موجود مش ناسيه
انانفسى اختم واقولك
اوعى الشيطان مرة يضلك
خليكى مع ربك دايما
خلى الايمان يكون ضلك
راوية حسن
Mansour Benmansour وشخص آخر
٤ تعليقات
أعجبني
تعليق
إرسال
في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...

  • دغدغه دغدغه
      دغدغه كل حاجه ملغبطه زاي رسمه بشخباطه والملامح مكشره والقلوب بين الضلوع دايبه هاشه مدغدغه ماتت الضحكه حتي وقت الزغزغه والفرحه جايه مجرحه و...
  • كيف أنّجو من غوصّي فيكِ
      كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...
  • هذه بيننا
      هذه بيننا أخبريني عن قلبك وكيف بالأشواق يخفق عن ليلك وكيف الأحداث معه تستجدي أخبريني يا حبيبة قلبي عن لهفة المشتاق عن دمعة تحترق من ودك لو...