( ف المزاد ) م/ عبالحميد سالم
ياللى رايح قول للى جى
فيه هنا واحد ضميره حى
وكمان عارضه ف المزاد
دا ضمير لقطة وماله زى
ضمير صاحى و بيشع ضى
لكنه تعب من معاملة العباد
فقرر صاحبه يبيعه ف المزاد
******
وف المواد ضماير رخيصة كتير
صحابها لابسةوشوش وبتتدارى
وزباينها أكتر واغلى ف الاسعار
مهو لو اشتراه بألف بيكسبه مليار
لكن ده وافف على صاحبه بخسارة
لا تاجر عبره ولا حتى بصباح الخير
******
ومن يأسه صاحبه تخفى ف نضارة
ونادى معايا ضمير حى يلا يا شطار
يامين يخلصنى منه دا جايبلى مرأرة
ساعتها المزاد وقف واتلمت التجار
وقالوا احنا بنشترى الضمير لو مات
لكن ضميرك حى وكنوزنا جنبه فتات
واصبر عليه دا انت معاك أعظم زاد
ده ضمير يدخل جنةوغيره يدخل نار
ليست هناك تعليقات:
إرسال تعليق