( حكاية حبي )
اسهر الليل وساعاته تطول عليا
وحبيبي ينام الليل مش داري بيا
ويوحشني افكر فيه الليل كله
ومين غيرك ياليل يشهد علي ظلمه
والشوق يكبر جوايا واتمني قربه
اترجي النجوم تروح توصفله حبي وتقوله
واحس بالنجوم مني غيرانه
وتعاتب القمر علي غيابه وهي حيرانه
واشكي من حبيبي وقلبي يروح لقلبه يعاتبه
وتزيد الأشواق فيا ابكي علي ايام وده
واشكي لليل فين ياليل الود راح
وفين الوصال اللي كان كله هنا وافراح
وليه حبيبي يخليني اعيش في جراح
والليل في بعده يفوت كله بُكآ ونواح
وفين العشم اللي كان
بيني وبين حبيبي من سنين
وليه نعيش الحب واحنا منه مجروحين
وليه تفوت الليالي طويله علينا ونبات مظلومين
ولإمته هنفضل عايشين و الصبر صديقنا
وفين الحلم الكبير والأمل اللي كان منور طريقنا
واعيش مستني الايام الحلوه ترجعلنا
والدنيا ترضي علينا تفرحنا وتضحكلنا
وحبيبي اللي ساكن جوه قلبي يحس بيا
ويشوف صورته اللي مخبيها من زمان في عينيا
وتتحقق الاحلام اللي حلمت بيها ورسمتها في خيالي
واعيش حكاية حبي اللي كبرت جوايا ومن سنين مدوباني
خواطر (اشرف الدغيدي)
حقوق النشر محفوظة
ليست هناك تعليقات:
إرسال تعليق