ده الهوى ميال
*********************
احساس سبقنى بيسالنى رايحين على فين
اياك يوم تبعد وتخلى
اللايمين جايين
قربنى منك ماتقولى
السكه منين
ماتقولى كلام يفرحنى
منك عمرين
ايامنا الحلوة هانعيشها
احنا الاتنين
امنتك قلبى ماتسيبنى
وتقول على فين
حبيتك انت مافيش غيرك
يانور العين
عشقاك والقلب قال رايدك
وجنان بجنان
اعقل ياحبيبى وخليك هادى
وخلينا فى امان
فارس احلام اللى فى بالى
وسيد الفرسان
ده كلامك ليه مجننى
وخلانى توهان
بيقولى كلام م المتنقى
مايخطر ع البال
كان نفسى مرة اروح عندك
واسال بسؤال
لو كنت شارينى طب ادينى
فى الحب مثال
مش بس كلام كده ع الفاضى
طب قولنا وقال
وان كنت نويت يانور عينى
شيع مرسال
راح ارد ساعتها وانا اقولك
القلب اهه مال
راح أغنى واحكى عن حبى
فى الهوى موال
ده حبيبى والله مافيش منه
ولازيه مثال
هايخدنى معاه ويطير بيه
وقالى ياغزال
وانا قلبى خلاص مال عنده
والهوى ميال
راوية حسن
ليست هناك تعليقات:
إرسال تعليق