........ضلمه .......

 ........ضلمه .......

ساعات الضلمه بتكون نور

و بتجمع حطام مكسور

وبتلمم حاجات فينا

باسم الوحده جوا الدور

....

ساعات ف الضلمه نلمح ضي

وبنشوف النهار ال جاي

وبتفكر كتير بهدوء

وبنطلع م الحجاره المي

.....

ساعات في الوحده تيجي حاجات

بتحبي الأمل لو مات

وبتحافظ على الباقي

ولو باقي ف قلوبنا فتات

.....

في قلب الوحده بتتولد افكار

وبعد العتمه ييجي نهار

بتغرز بزره جوا الليل

وتصبح تجني بيه ازهار

.....

ساعات بنحب نعمل فاصل

مابين اللي جاي والحاصل

وناخد هدنه مالايام

عشان نرجع معاها نواصل

......

ساعات الضلمه بتوريك

بأن النور مغمي عنيك

وإن الدمعه لو عالخد

ما يمسحها الا كف اديك

......

ساعات الحكمه لو زحمه

يمووت عدلنا الرحمه

وناخد كل شيئ بميزان

كان عقولنا مش فاهمه

......

بحكم ما فينا من انسان

قصاد العقل نلقا جنان

ومهما الحب يحيينا

يموتنا الزمن لو خان

....محمد إبراهيم درويش.......

عرض الرؤى

معدل وصول المنشور: ٥٨

٢Mansour Benmansour وشخص آخر

تعليقان

أعجبني

تعليق

إرسال