( اللي هيقدرني ) :

 ( اللي هيقدرني ) :

اللي هيسال عني هاعبَّر

واللي ما يسال شاللَّه ما عنُه

واللي هيقدرنى هقدر

واللي لأ .. مش هاسأل عنه

مش راح اراعي اللي بيهملني

واللي يشيلني ف عيني اشيله

اصل ماحدش احسن مني

جرامين هاخد هاديك كيلو

الدنيا دي ساقية ودوارة

مرة عليه ومرة عليك

ما تفكرش تعيشها شطارة

لازم تتعب فيها بايديك

خليك جد وعيش في الجد

ولا تضحكش ف يوم على حد

تلقى حياتك صافية ورايقة

قدم سبت تلاقي الحد

سيبك م اللي بتاع مصلحته

سيبك منه وسُك عليه

يخلع لما بتخلص حاجته

ومفيش حاجة بتملى عينيه

عيش واتعوِّد بقى على نَفسَك

نَفسَك بس حتشعر بيك

ليه تحرمها من اللي ف نِفسَك ؟

ده مفيش حد هيبكي عليك

ليه تحرمها من اللي ف نِفسَك ؟

ده مفيش حد هيبكي عليك

بقلمي الشاعر جمال زكي عينر

عرض الرؤى

معدل وصول المنشور: ٥٦

٤Mansour Benmansour، Tghred Ahmad وشخصان آخران

٨ تعليقات

أعجبني

تعليق

إرسال