بتاريخ 22/6/2022 قصيدة ( درب الغياب )بقلم الشاعر المصري أحمد إبراهيم النجار

 بتاريخ 22/6/2022

قصيدة ( درب الغياب )

بقلم الشاعر المصري

أحمد إبراهيم النجار

فى دايرة مواجع

وتاه إللى راجع

وغابت شرائع

وعشش نفاق

حواري وشوراع

ورقص إللى غارف

وشارب وعايش

فى سُكر وغباء

يا عايش وفاكر

إنك مُخلّد

فى مسرح حياه

شوف إللى قبلك

أصبح تراب

لا ماله شَفيع

لا منصِب رفيع

لا مُلك وقصور

كله ف زوال

فى درب الخيال

راحل وسايب

وبسمة حبايب

بفرحه وشوق

بتصرف كنوزك

وراحت فلوسك

لحضن الحياه

وفرغت كفوفك

غباءك جحودك

فى برزخ وحيد

بصرخة دموع

بتسكُن ضلوع

وشايف بعينك

كل الوعيد

وتصرخ بااااااااه

ومين إللى سامع

عذاب القبور

ونار الجحيم

بسوء الختام

هتصبح تراب

فى درب الغياب

وآخر طريقك

شهادة وفاه

حقيقة رحيلك

نهايه وموت

فى لحظة سكوت

فى داخل تابوت

وصفر الإيدين

مغمض عينين

مفارق حياه

دنيا دانيه

رحلة سنين

فيها القاسيه

وفيها الحنين

فيها إللى طامع

تطول السنين

وفيها إللى جامع

بظلم ومدامع

وظالم كتيييير

وآخر مافيها

بتسكن قبور

بتسكن وحيد

إعمل ليومك

وكفّر زنوبك

قَطر الحياه

بيجري أكيد

فيه اللى نازل

وفيه إللى راكب

مجرد سنين

محطة وصولك

رصيف الأنين

بيرحل غرورك

وعزّك قصورك

إسمك ودورك

مالهوشي وجود

وراحل أكيد

فى وقت الميعاد

مجرد ثواني

مجرد دقايق

مجرد ساعات

ويمكن سنين

وتبقى النهايه

شهادة وفاه

شهادة وفاه

بقلم الشاعر المصري

أحمد إبراهيم النجار

عرض الرؤى

معدل وصول المنشور: ٥٩

١Mansour Benmansour

تعليق واحد

أعجبني

تعليق

إرسال