( ضيوف )
جايين ع الدنيا يا خلق ضيوف
زي ما نعمل زي ماهنشوف
لو نعمل شر هنحصد شر
لو نعمل خير هننول معروف.
بنقابل ناس وبنتفارق..
وحياتنا محاور ومفارق
نفرح أو نحزن مش فارق..
ويسيطر ليه على روحنا الخوف.
أسئلة بتدور جوة عقولنا..
وجوابها تملي بيقتلنا..
لكن مهما حكينا وقولنا..
كلها حواديت في الهوى بتطوف..
هنفكر ليه ونشغل بالنا..
الدنيا أكيد مش دايمالنا..
أحوال الناس مش عجبانا..
ولا عاجب حتى الناس حالنا..
ونقول الدنيا حظوظ وظروف.
على إيه نتعالى ونتكابر
كلنا في الدنيا أكيد عابر
بس هنتقابل في الآخر
والكل هيظهر ع المكشوف.
بقلم
عصام السعدني.
ليست هناك تعليقات:
إرسال تعليق