....صوره و ذكره......

 ....صوره و ذكره......

بقلب مره ف دولابي

لقيت صوره لاحبابي

لناس تاهت ف لقمة عيش

لناس دقو على بابي

......

لناس غابت ف عمر الجيش

وناس بتاخدني لعمر الطيش

لوقت ما كنا ايد واحده

وضربنها سوا تطنيش

.....

صحيح الصوره كانت باهته

وناقصه كمان كذا حته

لكن فيها سنين باينه

وفيها من الصحاب سته

.....

انا في الصوره دي عايق

وواقف بالمزاج رايق

ولا حمولي على كتفي

ولا دنيا فينا تضايق

.....

وكان في الصوره دي احلام

ولسا في الحياه ايام

وكل اليوم يضيع ضحكه

من الصحيان لحد ما نام

.....

صغير كنت ف الصوره

ولسا مشاعري مغروره

ولا فارق معايا فراق

وشايف نفسي اسطوره

.....

وفكره ترووح مع الفكره

ورجعت روحي م الذكره

وسقطت صورتي من ايدي

وانا باصص على بكره

.....محمد إبراهيم درويش.....

عرض الرؤى

معدل وصول المنشور: ١٢

أعجبني

تعليق