{متغربين}
يمظفر شوصفك
ياحبيب الكل
يرافض للحتلال
وشنهي اشكاله
يانساني اشوف
ومبدئك معروف
وكتاباتك صور
مخطوطه بعماله
يارمز العراق
العايش بغربه
ومعارض للعنف
من حاله الحاله
ماهمتك غربه
ولاهجر لاظيم
يرحال العراق
وحامل ارساله
بعدك منته ميت
ياشهم يازين
يبن طير الجنوب
وبشماله وجباله
كلامك بعده يدوي
وماسكت صوتك
والك ديوان ندري
انعرف برجاله
شهدا الغربه عدنه
اهواي من مثلك
العايش بضطهاد
الغربه ومنعا جواله
شعدنهم بعد حتئ
احنه متغربين
واليحكمنه فاسد
حارم اعياله
وتمر اسنين بينه
ومامش استقرار
والتسلط علينه
احثاله بحثاله
وعليش المات غربه
وياشهم القتلوه
واليشيع الاجنازه
همه قتاله
بعد بيمن انامن
واحنه هم ميتين
واذا ميتنه منا
ومجرم الشاله
واذا الجوعان
عدنه وبعراق الخير
واصبح متسؤل
اوضاعت اماله
بعد وين الطموح
ايكون لو يبدع
وكفاات العراق
اصبحت عطاله
والعنده شهاده
يبقئ لاتعيين
وبالمسطر تشوفه
اشتغل عماله
وبالمسطر شباب
تشوف والاطفال
وكلها التركض
ومتروس بطاله
وعلئ الايتام
شحكي لاحرج والله
للبايع جكاير
ويسحل اذياله
والبايع سمسميه
والبنات اتسيب
بس اذكر احس
اعيوني هماله
لحظه اضحك
ولحظه ابكي
وعوايل بالبلد
متغربه اطفاله
وناس اسرقة
بينه وعجبه ماتشبع
وعليه متهون يكرم
حتئ بسماله
وضرايب عالبشر
مفروضه بالقوه
ورقابه الماكو عدنه
وكلها حياله
وعراقي ايصفر
وذيك الدول تمنح
وماكو اعمار بيه
وشايف اهماله
ونفطنه ومقامات
الايمه وين يمعودين
ولاتوجد سياحة
وبس الازباله
وياانساني اشوفك
بمبدئك معروف
يرافض لليحتل
وشنهي اشكاله
وياعريان وينك
وانته ياكاظم
ياجودة وناصر
يارحيم وششكي
الحاله
بادبنه الشعبي ادري
غيرو كلشي
واهو الموروث عدنه
التحمله اجياله
شعر عارف شلش
الساعدي
العراق. بغداد
ليست هناك تعليقات:
إرسال تعليق