مالك ياابني وأيه يرضيك
انا مش حاسس باستقرار
حاسس الدنيا مرار في مرار
وفي تفكري دايما محتار
رغم الهيصه والأنوار
رغم الحرية عايش في حصار
وفي احلامي اشعر بدوار
عطشان و الدنيا كلها انهار
الفقر يابا سيف بتار
في الرضا يابني
راح تشوف خرابها عمار
و الكون يابني مليان اسرار
وانت فيها يدوب تختار
حاول بدل في المسار
احمد ربك اننا أحرار
اعمل مع نفسك حوار
والاماني مش بالاجبار
شوف جنبك أمم بتنهار
حامدين شاكرين
ان لهم جار
ابني وعلي في الأدوار
و معاك حرية القرار
***
راح اقول لك يابني معلومه
في كل مكان هي هي النومه
والأرزاق يابني مقسومه
في المستشفي ناس مكلومه
مليون آه مش لاقي النومه
غير الذل والمهانه
في ناس بتتعالج فرحانه
في السجون ياما ناس مظلومه
بالأمر القعدة والأومه
الستر يابني شيء عظيم
واحمد ربك انك سليم
وربك بحالك عليم
باب الرضا محتاج تعليم
اعرف دينك ربك رحيم
قلبك يابني محتاج ترميم
دنيا تعيشها وخلص الجيم
(((أسامه جديانه)))
ليست هناك تعليقات:
إرسال تعليق