لسه فيه جبر الخواطر
و لسه حد يخاف عليك
لما تسمع كلمه جارحه
تلاقي حد يحس بيك
ولا حد في وقت حزنك
ييجي يمسح دمع عينيك
ولا حد في وقت مرضك
ييجى يقولك إيه جرا ليك
ولا صاحب يوم يشتاقلك
ييجي ويدور عليك
ولا كنت يوم في ضيقه
تلاقيه سند ليك
كله مستني رحيلك
ييجى يومها يبكي عليك
يقول دا صاحبي و كان معايا
بس خساره مافضيتش ليك
من زمان ومافيش زياره
ولا حتى سؤال عليك
ييجي وياخد عزاك
واللي يشوفه دا أخ ليك
في الحقيقه كان بيهرب
من طريق بتمشي فيه
بس قدام الناس
لازم يظهر حبه ليك
وانت منتظر جبر خاطرك
أدعى ربك وارفع إيديك
هو اللي هايجبر خاطرك
لو الكل ما سألش فيك
(((أسامه جديانه)))
ليست هناك تعليقات:
إرسال تعليق