اللي اشتريتهم باعوك

 اللي اشتريتهم باعوك

كنت ليا واستغلوك

بالرخيص هنت عليهم

و بالأمس بالغالي اشتروك

جي بجرحك لسه نازف

تشكي وتقول خدعوك

لو فاكرني اني أعالجك

وأبكي وأقول دول خانوك

مش هتصعب يوم عليا

مهما حاولوا يحطموك

جي بتشكي سنين عذابك

خدوا شبابك وفاتوك

رجعت خالي الوفاض

عرفوا خامتك فهموك

شافوا الطمع جوه عيونك

و بالدرر غاووك

حطيت رأسك في اللجام

وبالأساور كبلوك

كنت يومها صعبان عليا

بعتني وبعت اللي ربوك

جي تمثل المظلوميه

زي ما خدعتني خدعوك

مش هاسامحك لو لثانيه

فاكر دموعي يوم صاحبوك

كنت يومها باترجاك

قولت لك مش هايصونوك

و جي تقولي خدعوك

أنا مش شامتانه فيك

و باشكرهم اللي فهموك

أنت فاكرني هاشتريك

شوف ناس شاكلك يشتروك

(((أسامه جديانه)))

عرض الرؤى

معدل وصول المنشور: ١٨

١١

تعليق واحد

أعجبني

تعليق