بحلم بيوم =======

 بحلم بيوم

=======

بحلم بيوم

أفتح طاقة من عشى

أللى مليش غيره

وهو أخر الممكن لدنيتى وعشتى

ألاقى شمسىٕ خلاص طلعت

وبتنور كل شبر من بلدى

وإللى محبوس داخل سجنه

أو حبيس بيته أو نفسه

وكان مجبر على سجنه

بالأمر أو م الخوف و الحسرة

يطلع لنور بقى ساطع

يجرى بفرحة كده ويرمح

فى أرض ربنا الواسعة

عشان أنزالت الغمة

اللى حبست قمر ليالينا

ودفنته فى حتة

وحجبت شمسنا الحلوة

لا يعرف حد يوصل لها ولا يجيبها

واللى يحاول بس يلمحها

تصيبة الكارثة واللعنة

ألاقى أرضى بقت ملكى

وخيرها بالحق يتوزع

لكل مواطن من أرضها وطينها

مش محجوزة ومحبوسة

على ولاد اللى سرقينها

وأشوف العدل يتحقق

وكل اللى يبيع فيها وينهبها

ويحرم شعبها خيرها

يلاقى عقابه على بابها

وتفضل بلدى كده ودايما

منورة بأهلها وناسها

بقلم /مها ندا

عرض الرؤى

معدل وصول المنشور: ٣٧

٣٣

تعليقان

أعجبني

تعليق

إرسال