( شكلك يا قلبي حتفضل حزين ) : بِقَلَمِي الشَّاعِر جَمَال زَكِي عِينَر

 ( شكلك يا قلبي حتفضل حزين ) :

شكلك يا قلبي حتفضل حزين

تمر الليالي وتطوي السنين

ما شفتش سعادة ولا يوم هنا

وكل اللي شفته أسِيَّة وأنين

وقلت راح اصبر وادوس ع الآلام

ما يمكن أصادف حكاية ف منام

واعيش ليلة حلوة واقوم من منامي

أقولك يا دنيا عليكي السلام

شكلك يا قلبي حتفضل تقاسي

لا في البحر غارق ولا ف شط راسى

ضحية حبايبك يا عيني عليك

وحتى اللي فاكرك عمل نفسه ناسي

فسيبك يا قلبي ما تشغلش بال

لصاحب تجاهلك ولا لخِل مال

ما دام ليَّا رب وعالم بحالي

حيكفيني خلقه وذُل السؤال

وصلت النهاية وعمري إنقضى

وكل اللي عندي يادوب فضفضه

بحاول الملم واداري الجراح

وأعيش اللي باقي بكل الرضا

بحاول ألملم واداري الجراح

وأعيش اللي باقي بكل الرضا

بِقَلَمِي الشَّاعِر جَمَال زَكِي عِينَر

عرض الرؤى

معدل وصول المنشور: ٤٨

٤Fares Alkalma و٣ أشخاص آخرين

تعليقان

أعجبني

تعليق