يارب سلم
الأوله ماشوفنهاش
والنهاية غير معلومه
إمتى وفين منعرفهاش ؟
لكنها محتومه
وعايشين برغم الوجع
مع حزن وفرح
سواءفي العشش
أو ف. المنتجع
ولولا الصوت مانادينا
واتكلمنا وحكينا
والسمع كمان ماجانا
مسيرين بالقوي
وإن كان الاختيار لينا
بس احنا عملنا اللي مايتعملش
وطلعنا الفضا بسفن متتوصفش
وبنحارب في بعضنا
لجل مانخلص على جمعنا
ونشارك في فناء الدنيا
وربنا مطلع علينا
واللي مكتوب علينا بنعمله
وتحت بند الاختيار لينا
وبنصارع بعض على حكم الأرض
وهي مش بتاعتنا
ولا احنا هنعيشلها
وكلها أدوار مرسومه
ولما ضلينا عن ربنا اللي خلقنا
عبدنا غيره اللي قسمنا وفرقنا
عبدنا البشر وعبدنا الشجر والحجر
وكمان عبدنا البقر اللي ممكن ندبحه
ماهي روحه ف.أدينا
سبحان الله
مالناش فيها
وبرغم كده بنزعق بعلو الصوت
وف. كل جيها
إننا احنا لافيها أو نخفيها
بصراحه عقلنا مغيب
وفهمنا قاصر
وخوفنا على نفسنا ف.الآخره
مش حاصل
ونستحق العقاب
يارب سلم ...
أسامه عبد القادر أحمد
ليست هناك تعليقات:
إرسال تعليق