حوار مع الشيخ زرزار

 حوار مع الشيخ زرزار

صاحب مقام

من غير كلام ... تصرخ عصافير البطون

تنده علي العقل الجعان ... يطرح جنون

واخرج بنبوت الشحاته... والمعون

ألقي فتافيت البشر ..

تحت الرحاية في الطاحون

ملايين غلابة مقطعة ... قلبي الحنون

أرجع لأطفالي بلا .. خبزٍ وملح يأكلون

وعشان كده .. نفسي أكون

نفسي أكون صاحب مقام

واحكي علي طبع اللئام

وابقي علي طول الدوام

نجماية في ليل العوام

واسحر نبابيت الخصام

تطرح علي الدنيا ابتسام

واعمل كرامة كل عام

واكشف علي معني السلام

القاه عدالة من النظام

والكل ياكل بانسجام

والصحة تبقي في التمام

وان حد منكم راح ينام

في الطل أو جنب المقام

يرمي الغطي فوقي قوام

يرمي الغطي فوقي قوام

****

كلمات احمد عبد الحميد . مصر

مدير عام سابق بجامعة السويس

شاعر السويس والغلابة

عرض الرؤى

معدل وصول المنشور: ٢٣

١فهدالصحراء الجرئ

تعليق واحد

أعجبني

تعليق