خليك جنية.
بقلم/
عارف الشقاوة
بتيجي منين؟!
من قلب طيب
زي حالاتي
دا حتى لو
مقسوم نصين
بعزف على
السيكا ناياتي
وأقول لنفسي
كام حاجة اسمع
وسجلي الأتي..
بقولها اوعي
يا نفسي تدوبي
في صحن كالشمعة
خليك شمس يكون
أحسن بدال ما
تغرقك دمعة
خليك وردة لكل
ربيع خليك نجمة
في ليل لامعة..
أو حتى كوني
بدر بدورلا هعترض
ولا أكون مانعه
ولفي بيا سبع
بحور في موجة
للسما طالعة
خليك يا نفسي جنية
وقت الزعل تبقى ذكية
لا تشوفي الدنيا
بلون وردي يا إما
خليك مخفية
لحد ما تهدي وتروقي
وتجيبي الفرح على
ذوقي
من قد إيه وأنا بستنى
واللهفة باينه من شوقي
طال السهر بيا ليلاتي
وخد كتير من اوقاتي
فوقي يا نفسي بقى
فوقي اتهني
بالسعد ودوقي
حليلي بالشهد حياتي..
عيشي الشقاوة فحكاياتي
وتملي تقوليها يوماتي:-
إوعي تكوني في يوم شمعة
ما تنشفلك في يوم دمعة
سامعة.
ليست هناك تعليقات:
إرسال تعليق