/////////+++حرفي سلطان+++/////////
حرفي سلطان جاد في بوحو
ويسافر كيف بغا بروحو
يتقلب على سطور كيف بغا
يالسامع له عافاك صغا
بوحو من ا سرار كل لذواق
وانا ليه نعلم العشاق
في محبتو ساير وينتمهل
وموازنو ليا تدلل
ماينساني انقلب نلقاه
وانا سعدي روحي عرفاه
لمخبي اذخيرة موريه
ماشي وهم عقلي يغويه
اوجد شطو يمكن اوصل
ومعاه عمرني مانوحل
ياك حاضر وحدو بلى حزارة
صيف ربيع بلى ادسارة
حاكمني وانا ياك طايعو
ويبايعني ياك ونبايعو
راضي بيا وانا راضي
حاضيني بنفاسو حاضي
فاهمني نعرف ا قوالو
ساتراني في اللمة حوالو
امرافقني خطوة خطوة
مايعرف حقد مايتلوة
بقلم صقر الحروف الزجال المحجوب بوسبولة
ليست هناك تعليقات:
إرسال تعليق