( تعبت خلآص )

 ( تعبت خلآص )

من يوم ماسافر حبيبي ورآح

وقلبي في بعده مآيوم إرتآح

وليل ونهار مابَطَّلّْ أنين ونوآح

وابعتله مع الطير المسافر مراسيلي

مكتوبه بدموع الشوق علي مناديلي

وحبيبي آسي ومايرد عليا بجوآب

واسهر الليل ودقات قلبي تناديله

وقلبه مليان جفا وإيه يفيد العتآب

آسي ومش رآضي يسأل يوم عني

ويبعتلي كلمه منه في جوآب تطمني

ولا بيوعدني يوم رآح يجيني ويرحمني

لحد مااشتكت منه كل مرآسيلي

ورجعتلي منه تاني حزينه بتوآسيني

ومن كتر جحوده وقسوته عليا

الفرحه باتت حزينه جوه عينيا

وصبحت جوآيا ملهاش مكان

والقلب من كتر الشوق بات موجوع

وأنينه صبح عالي وصوته مسموع

عمال بيبكي ويقول إمته نتهني بالرجوع

تعبت خلاص ودوبني الجفا والحرمان

وجوآيا أمل بتمناه يتحقق من زمان

يمكن يرحم حالي ويجيني يحسسني بالأمآن

ويروي روحي العطشانه للحنان

ويرجع يدوب القلب تاني في هواه

ويغزل للحب من خيوط الشمس احلي طرحه

متزينه بالسعاده والهنا والفرحه

ومن ضي القمر راح يغزل أجمل فستان

حبه ماس وحبه لولي وحبه مُرجان

والعين مليانه حب وأشواق وحنين

بعد ماسالت كل دموع ايام الجفا والأنين

والصبر سلوته يمكن يرتاح من عذابه وضناه

ياحبيبي إيه آخرة عذاب هوانا

ولإمته راح تفضل شكوانا جوانا

واحنا مش قادرين لحظه علي البعآد

لاالصبر قادر يصبرنا ولا بيرحمنا الفكر والسُهآد

والدموع باتت نار علي الخدود واخترقت شرايين الفؤآد

وتِعبت من نار الأشوآق كل مناديلي

يآحبيبي لإمته عذابي ومرآري وويلي

ولإمته ح تفضل الدنيا مش رحمآني

الوجد معذبني طول ليلي والحب في قلبي محيرني

وبين الصبر والإنتظار وبين الفرآق ومرآرُه بتخيرني

خواطر (اشرف الدغيدي)

حقوق النشر محفوظة

عرض الرؤى

معدل وصول المنشور: ١٨

١١

تعليق واحد

أعجبني

تعليق