( ياللي قطعت الوداد ) :
ياللى قطعت الوداد
قطع الوداد عيبه
طولك في طول الوداد
والقصر فيه خيبه
امر به رب العباد
وصى به في كتابه
يا عبد خلى الوداد
م الصغر للشيبه
ياللي قطعت الوداد
ليه بتقطع الواصل ؟
دي حبالنا لو كت شُداد
ما كانش ده حاصل
الأخ ما يشوفش اخوه
شهر وشهور وسنين
والإبن ينكر أبوه
وف بُعدُه ما يراسل
ياللي قطعت الوداد
راجع أمور دينك
في الود تلقى المداد
يهابوك عدوينك
ده الحبل لما اترخى
ما عادش ليك هيبه
واللي تعينه ف رخا
في الشده هيعينك
بِقَلَمِ الشَّاعِرُ جَمَال زَكِي عِينَر
ليست هناك تعليقات:
إرسال تعليق