أنافي عشقها
أنافي عشقها الأول والآخير
قلبنا أبدا ماعرف مستحيل
شجرة صفاف فلاحه أمير
غصنه دايما مع الهوا يميل
كلامه بالعصاري ألذ عصير
الحكمة من كلام فاه القليل
فلاح بسر أرضه دايما خبير
كريم و عمره ما كان بخيل
لحبها قلبه ماشي بالمشاوير
بالليل حارسها وبحبه سمير
دايما بيسعد بنسيمها العليل
يطلب ودها وهو بيها جدير
حبه من قلبها صوته صهيل
يشوفها ليلي نشوه وسهير
جميله طيبه كرطب النخيل
ودايما يرسمها بعيونه غدير
وخدها زي العطر للورد دليل
اصله في حبها سلطان وأمير
وعمره ماكان بحبه ليها ذليل
وهو بيها فارس وقائد قدير
عاش يحبها مربع بالمواويل
فيها زي الطير بس ليها أسير
قلبها بأرضها بيرفض العويل
احنا عشاقها وربك له تدابير
حبنا كالنيل بالشريان يسيل
أنا في عشقها الأول والآخير
الشاعر/إبراهيم شبل
ليست هناك تعليقات:
إرسال تعليق