أنا بنت اليوم الحزين بقلمى \ هشام محفوظ

 أنا بنت اليوم الحزين

يامة

تعبانة وفي بحر هموم

غرقانة وبضحك قدام الكل

وبينى وبين نفسى بضحك

بدموع ودوقت الفرح

لاقيت أحلاة مُر وعايشة

في غُلب والقلب مجروح

وصوته صراخ مسموع

وجعنى ومش عافة أية

ذمبي ولية الفرح سَيبي

وقلت أوروحه وأصلحه

وأحيله وأبوس علي

راسه وأعرف لية زعلان

مني قفل فى وِشى بابه

ومرضيش يكلمني

وقلى أنا حُر ودواكى مش

عندى وكتمت حزني في

قلبي وقلت أصبر وأتحمل

أكيد سحابة صيف وتعدي

وقلبه هيرق ويفرحني

والدنيا تضحكي كسر

بخاطري حتي الصبر زهق

مني وصبرة عليا خلص

وسبنى وبعنى والحزن بقة

صاحب وافي وحالف

ميسبني والكل بيقطع

فى لحمى وبقيت بنت

اليوم الحزين والكل عرفني

يامة

القلب كان أخضر وزاي

الطيور بيرفرف فرحان

وبيغنى وبيرقص فين

ميروح الحزن خلاة دبل

وأصفر عوده وطرح خاب

وداق ألم وعذاب والروح

بتنوح والحزن عَشش بين

الضلوع والقلب مجروح

وسهر العين نواح والكحل

سأل علي الفستان وتغير

لونة وبقي أسود داكن

من ظلم الأيام

يامة

تعبت بجد ونفسي أرتاح

مش عارفة أنام وبموت من

الخوف وبغمض عينيا

وبتلف فى صوف بشوف

أشباح بتخبط بالدفوف

وعيون بصالى وحوليا

بطوف وبسمع كلام وخبط

ورَذع في كل مكان والعقل

عَشش فية أوهام والفكر

أحتار وخايفة العقل يجيله

جنان قليلي يامة

هو القلب علية تار واللي

لازمله ظار ولية الدنيا

ظلماني والكل فيا فرحان

يامة

في حضنك ضميني وأرفعي

راسك وبأعلي صوت أدعيلي

وخلي دعواتك تعلي فى

الفضا . وتشق السما وتسبح

فى الملاكوت ويستجيب

رب السموات رحيم موجود

وينزل علي قلبي رحمات

يمكن أرتاح

والعين تنام في سكات

بقلمى /هشام محفوظ

عرض الرؤى

معدل وصول المنشور: ٢٣

٢فهدالصحراء الجرئ وشخص آخر

تعليقان

أعجبني

تعليق