( بحبك ) :
بحبك اقولها طول عمري
واسلم في الغرام امري
ده حبك ليا رسمالي
وكاسي ف دنيتي وخمري
بحبك واسالي قلبك
يقولك اد إيه حُبِكْ
في قلبي واد إيه نفسي
مجرد لمسة من خدك
بحبك عمري ما آجي ف يوم
أمِلِّك مهما اقاسي اللوم
في ثانية أحن واشتاقلك
لو انتي بعدتي عني ف يوم
بحبك عمري ما حبيت
ولا سهرتش ولا استنيت
حبيب في حياتي شاغلني
لغيرك عمري ماحنيت
بحبك وإنتي ليه خايفة ؟
ما دام متأكدة وعارفة
بإني ماليش حبيب غيرك
لغيرك عيني مش شايفة
بحبك يا حياة عمري
يا شمس نهاري يا قمري
يا كل بدايتي ونهايتي
نصيبي وقسمتي وقدري
يا كل بدايتي ونهايتي
نصيبي وقسمتي وقدري
بقلم الشاعر جمال زكي عينر
ليست هناك تعليقات:
إرسال تعليق