خلاص فسّرتوا الأحلام ؟
وخلاص بقيتوا عارفين ؟
ومين فايد ومين بيضر
ومين طارح هنا وسعادة
ومين غيره ساقينا المر
... ... ... ...
خلاص فتّحنا في عنينا !؟
وعرفنا السكة لباقي العمر
ومين صادق في أقواله
ومين في كلامه ما بيسر
دامين خلّاكوا حكامنا
بعد الشر
... ... ... ...
بقيتوا بتملوا علينا شروطكم
وقلنا آمين
بقيتوا تزيدوا في حدودكم
ومش عارفين
وإحنا تيجان وفوق روسكم
ومتواضعين
م تروحوا وصفّوا في نفوسكم
وإعرفوا نبقى مين
... ... ... ...
كدبتوا كتير على روحكم
م شفتوا الغلط م الصح
فرحتوا حبة بشبابكم
وسيبتوا لنا الآهات والجرح
ليه تقروا م الكتاب عنوانه
وتنسوا تقروا فيه الشرح
بحق ألله م فيه منكم
مين يملا العين يقود الصرح
... ... ... ... ... ...
المهندسين في ٧ / ٣ / ٢٠٢٢ م
كبرتوا خلاص ؟؟؟ !!!
زجل من تأليفي
هشام إبراهيم علي
الشهير : هشام علي
... ... ... ... ... ...
ليست هناك تعليقات:
إرسال تعليق