شعر غنائى ..
((( بحبك إنتى )))
بحبك إنتى يا نبض قلبى يا روحى أنا .. إنتى الضيا و العين إنتى المنى ..
بحبك بكل جوارحه بحبك بكل اللغات .. بحبك يا عمرى يا حياتى أنا ..
يسلمولى عيونك الحلوين .. و الرمشتين المكحلين ..
و الخدود المنورين .. اروح فين منهم أنا ..
بحبك إنتى ..
دا التراب اللى تمشى عليه .. أبوسه ولا أستغناش عنه ..
لو وزتولى بداله جبال م الدهب .. هتكونى إنتى أغلى منه ..
إنتى قيمتك عندى فوق .. إنتى السهد و ليالى الشوق ..
إنتى العاليه ف كل حاجه .. ف الإحساس و ف الذوق ..
بحبك إنتى ..
إيه تسوى حياتى .. من غير م يكون حبيبى ..
دا هو كل حياتى .. دا هو عمرى و نصيبى ..
هو الجنه هو الزهور .. هو الأمل هو النور ..
هو العين هو القلب .. هو نار أشواقى و لهيبى ..
بحبك إنتى ..
أنا لقيت نفسى معاكى خلاص .. بقالى عمر و كيان ..
بدلتى أحزانى بالأفراح .. حسيت بالراحة و الأمان ..
حسيت بعمرى بيرجع تانى .. فرحت بالدنيا و إبتسملى زمانى ..
عيشت حياتى من جديد .. و الحياه بقالها رونق تانى ..
بحبك إنتى ..
بقلم الشاعر الغنائى ..
محمد البريمى ..
ليست هناك تعليقات:
إرسال تعليق