كنت ابراهيم محمد آدم

 كنت

كنت قلبي وروحي ودوا جروحي

والدم اللي بيجري ف عروقي

كنت الدوا والميه وهوا روحي

ونجمه في سمايا تنورلي طريقي

وقمر ليلي وهُدايا وشمسي ودفايا

كنت وردي وبستاني وريحة الجنه

وكلمه جميله وهمسه واحلىٰ رسمه

كنت الكلمه وريشة الفنان والغنوه

واحلى كلمه مكتوبه منوره العنوان

وراح النهار وكسىٰ الدنيا الغمام

ووقف اللسان عن الكلام

لكلام يفجع القلوب ويكسر العهود

والغرض منه عجيب مش موجود

اتجمعت عليه عقول وقلوب

ضيعت الأمان ماتعرف معنىٰ الحنان

وبتتجنىٰ على مين يابني الانسان

على روح بريئه ماتعرف لها عنوان

واللا على انسان وحيد غلبان

ضعيف يا انسان شيلت حمل تقيل

لاتقدر عليه النهارده ولا على طول الزمان

وفي الاول والاخر انت الخسران

ابراهيم محمد آدم

عرض الرؤى

معدل وصول المنشور: ٣٨

١١

تعليقان

أعجبني

تعليق