عالم عرايس
كله بيرقص
كله هايص
واللي مدلع
حاله يابخته
واللي ف ركن
تملي لايص
كله بيضحك
ليه على كله
لما اشوفه
لابد هقوله
اسمع مني بلاش
تتحسب
ليه الصدق
معدش يكسب
ليه ف بعضينا
تملي نشك
هي الزمه شراب
استوك
استك مط
وكلام بيسك
فين الثقه فين
التقدير
ولا العشره دخان
وبطير
هو خلاص بقينا
فنكوش
وعلى بعض بقينا
بندوس
أصل المسرح كله
عرايس
بس العرض اتاريه
منحوس
وش وش ووراها
وشوش
كله عاملي شجيع
وبحوش
يخربيتك أفهم
ياسطى
كل كلامك بقي
مغشوش
الكلمه الصادقه
بقت نادره
مش كده بس
ده ليها وشوش
وش يشب ووش
يلب ووش يخليك
دايماً مدسوس
هو العقل بفكره
الباطن
ولا خلاص مجنون
مهوس
يالا ياعم بلاش
تماحيك
راضي غرورك
ولإيدك بوس
أصل الحق
جسد متحنط
عمال ينخر فيه
السوس
يانهار ابيض يابن
الأيه
عض أصابعك و
على قلبك دوس
بكره الحظ يديلك
وشه
تسكن تبر بدل
م البوص
سليم الغنام
ليست هناك تعليقات:
إرسال تعليق