==== ظرف الزمان والمكان=====
ظرف الزمان بينا
عمره ما كان موجود
بتمر الساعات بينا
بسرعة ماليها حدود
وأما ظرف المكان
ف نن العين هنا
وقلبي وروحي شهود
يامفرح قلبي معاك
يكفينا شر حسود
يدخل علينا بعينه
يارب ف عينه عود
ونعيش حياتنا سوا
والضهر بيك مسنود
ونسعد بدنيا الهنا
ونرضى بالموجود
ونعيش سوا حلمنا
ونحقق المنشود
ونكون مع ربنا
صاحب العطا والجود
نمشي ف طريق الخير
ويبقى طريق الشيطان
ديما عندنا مسدود
بقلمي
صلاح شعبان الفيداوي
القاهرة
١٥/٣/٢٠٢٢
ليست هناك تعليقات:
إرسال تعليق